Skulen hadde leigd skitrekket, så dei aller fleste mora seg nok på "nedoverski" denne dagen. Nokre elevar føretrekte likevel "bortoverski" og gjekk småturar i området kring Kleppa. Romperesarløp var òg ein alternativ aktivitet. Kring lunsjtider stod det tre bål klare til å ta imot svoltne pølsegrillarar, men etter ei kort matøkt forsvann dei ivrige "snøbarna" tilbake til løypene. Vår hjelpsame vaktmeister køyrde skiutstyret til elevane ned att på skulen, medan elevane sjølve måtte gå - med sola i augo. Takk til alle for ein flott dag!